Во Македонија во раните утрински часови ќе има услови за појава на слаба магла. Во текот на денот ќе биде претежно сончево со локална облачност и топло.
Во вечерните часови и во текот на ноќта зголемување на облачноста во југоисточните предели со услови за слаби локални врнежи од дожд.
Ќе дува слаб ветер од променлив правец. Минималните температури ќе се движат од -2°C до 8°C, а максималните дневни ќе достигнат до 7°C односно до 16°C.
Во Скопје во вторник ќе биде претежно сончево со локална облачност и топло. Слаб југоисточен ветер. Утринската температура од 6°C, а максималната дневна ќе достигне до 13°C.
Дестабилизација на времето не очекува во среда. Ќе биде умерено облачно со повремени сончеви периоди но и со услови за локални врнежи од дожд. Над 800 метри со врнежи од снег. Утринските температури од -2°C до 7°C, а максималните дневни од 4°C до 13°C.
Во четврток ќе биде умерено облачно со повремени сончеви периоди, а во западните и југозападните предели нестабилно со врнежи од дожд. Над 700 метри со провејување на слаб снег. Минималните температури во опаѓање и ќе се движат од -5°C до 4°C, а максималните дневни ќе достигнат до 5°C односно до 14°C.
