Флорида овие денови е се, само не „сончева држава“. Иако се прогнозираше дека центарот на тропската бура Debby ке се задржи пред северозападното крајбражје на Флорида до четврток, вчера бурата малку го забрза своето движење и вчера во вечерните часови по локално време, нејзиниот центар стигна на крајбрежјето на Флорида.

Постојаната брзина на ветерот изнесува 65 км/ч, што е речиси на самата граница за статус на тропска бура, па се очекува намалување на брзината на ветерот, бидејки Debby набрзо треба да стане тропска депресија.

Сепак најголем проблем претставуваат обилните врнежи кои со денови паѓа на Флорида и јужна Џорџија. Импресивен е податокот дека во местото Санборн во кој за 24 часа наврнале дури 510мм дожд. И денес на Флорида се очекуваат обилни врнежи, локално може да наврнат нови 300 мм дожд кој сигурно ке предизвика и поплави.

Откако ке ја премине Флорида, Debby во четврток ке започне да се оддалечува од полуостровот. Се очекува таа повторно да се засили, но според најновите проекции таа би требало да се движи кон отворениот океан, без некакво влијание на копното.
По тропската бура Debby на Флорида до крајот на неделата треба да се прошири и топлотниот бран кој руши температурни рекорди во САД.