Во Македонија во петок во утринските часови ќе има појава на магла која понекаде ќе се задржи и претпладне. Во текот на денот ќе биде претежно сончево со локална облачност. Слаб северен и северозападен ветер, а во западните предели ќе дува слаб југозападен и западен ветер. Утринските температури од -2°C до 5°C, а максималните дневни температури ќе се движат од 7°C до 13°C.
Во вечерните часови ќе има појава на магла, а видливоста понекаде ќе биде помала и од 50 метри.
Во Скопје во петок во утринските часови ќе има појава на магла која што ќе се задржи и во текот на денот. Попладне со услови за намалување на маглата. Слаб северозападен ветер. Утринската температура од 2°C, а максималната дневна температура до 8°C.
Во сабота во утринските часови ќе има појава на магла, која што понекаде ќе се задржи и претпладне. Во текот на денот ќе биде умерено облачно со сончеви периоди. Ќе дува слаб северен и северозападен ветер, а во западните предели ќе дува умерен југозападен и западен ветер. Утринските температури ќе се движат од -1°C до 6°C, а максималните дневни температури ќе се движат од 8°C до 14°C.
Во недела во утринските и претпладневните часови со услови за слаби локални врнежи од дожд. Малку поинтензивни врнежи се очекуваат во северозападните, западните и југозападните предели, а на планините над 1000 метри со врнежи од снег.
Попладне врнежите ќе престанат и разведрување.
Ќе дува засилен северен и северозападен ветер, а во западните предели ќе дува засилен североисточен ветер. Ветерот понекаде ќе достигне брзина и до 30 км/ч.
Утринските температури од -3°C до 4°C, а максималните дневни температури ќе се движат од 5°C до 11°C.
По студеното утро во понеделник во текот на денот ќе биде претежно сончево со локална облачност. Ќе дува умерен северен и северозападен ветер, а во западните предели ќе дува умерен североисточен ветер. Утринските температури од -5°C до 2°C, а максималните дневни температури од 4°C до 9°C.
Не е дозволено преземање на оваа содржина или на делови од неа, што се однесува на текст, фотографија и видео, без дозвола од Weather4all.com.mk
