Сега веќе поранешниот тајфун Рамасун стана тропска бура која нема толку силни ветрови, но сепак носи обилни врнежи од дожд во јужниот дел нд Кина и Виетнам.

Според неофицијалните информации во налетот на тајфунот загинале најмалку 108 лица, од кои најголем дел се на Филипините. Рамасун истокот на Филипините ги погоди на 15 јули, а само неколку часови пред да навлезе на копното нагло се засилил и станал тајфун од трета категорија.

Рамасун имаше долг пат, дури десет дена траеше неговиот пат од Микронезија преку Филипините се до Кина и Виетнам.

На кинескиот остров Хајнан во налетот на тајфунот загинале девет лица, а на југ од Кина уште пет.

На Филипините и на југ од Кина тајфунот предизвикал голема материјална штета. Според првичните проценки се околу една милијарда американски долари за штети кои се предизвикани од силните ветрови, поплави и лизгање на земјиште. Сето ова со животот на луѓето кои немаат цена.