Мразот на Дунав кој почна да се топи предизвика големи проблеми. По напорната работа на речната полиција, доцна во ноќта, од реката беа извлечени десетина чамци и бродови. Властите денеска ангажираа три мразокршачи на Дунав, од Ушче до Земун.

Од Градскиот штаб за вонредни ситуации, соопштија дека мостовите се безбедни и се под целосна контрола. Доцна синоќа еден сплав целосно потона во Земун, но за среќа на него во тој момент немало луѓе. Речната полиција соопшти дека потонал и бродот-ресторан Александар.

И покрај тоа што температурите се во пораст, сепак, во тешко пристапните региони, се уште има завеани над 3000 луѓе, а до нив може да се дојде само со хеликоптер.